Policia e Kosovës ka njoftuar se pas vërshimeve të fundit në rrugën Prishtinë-Ferizaj, konkretisht në afërsi të zonës së Prishtina Mall, janë gjetur disa tabela të automjeteve që dyshohet se janë humbur gjatë përmbytjeve.

Sipas njoftimit zyrtar, tabelat e gjetura janë mbledhur dhe janë dorëzuar në Stacionin Policor në Graçanicë, ku po ruhen deri në paraqitjen e pronarëve përkatës.

“Njoftohen qytetarët, se në zonën që kishte vërshime, në rrugën Prishtinë -Ferizaj, saktësisht në afërsi të Prishtina Mall, janë gjetur disa tabela të automjeteve, të cilat janë dorëzuar në Stacionin Policor në Graçanicë.

Andaj, ftohen pronarët e këtyre tabelave që të paraqiten në këtë stacion policor për tërheqjen e tyre”.