Partia Demokratike e Kosovës ka dërguar sërish letër me kërkesën për vazhdimin e seancës konstituive të Kuvendit.
Për këtë, kjo parti i ka dërguar letër kryesuesit të seancës konstituive sipas moshës, Avni Dehari, që ta thërrasë vazhdimin e seancës në përputhje me Kushtetutën, aktgjykimet e Gjykatës Kushtetuese dhe Rregulloren e Kuvendit.
Në një njoftim për media, kjo parti thotë se nesër sërish do të jenë në hapësirat e Kuvendit të Kosovës.
“Grupi Parlamentar i Partisë Demokratike të Kosovës do të jetë nesër, e hënë, 24 gusht, nga ora 11:00, në sallën e Kuvendit të Republikës së Kosovës, në vazhdën e kërkesës për vazhdimin e seancës konstituive dhe konstituimin e Kuvendit.”, thuhet në njoftim.