Shefi i Grupit Parlamentar të PDK-së, Abelard Tahiri, u ka bërë thirrje partive të votojnë mocionin e tyre për shpërndarjen e Kuvendit.
Tahiri ka thënë se 30 qershori apo 7 korriku janë datat e duhura sipas tij, që të mbahen zgjedhjet e parakohshme.
Teksa ka bërë të ditur se do të votojnë mocionin e AAK-së për shkarkimin e Qeverisë, Tahiri ka theksuar se 30 maji është dita e duhur/fundit të shpërndahet Kuvendit, në mënyrë që të shkohet të zgjedhje më 30 qershor ose 7 korrik.
“Jemi në afet e fundit kur duhet të proces mocionet për shpërndarjen e Kuvendit. Në mënyrë që vendi ynë tu drejtohet kutive të votimit me datën 30 qershor ose 7 korrik siç kemi propozuar. Deri tani nuk jemi në një situatë ku kemi dakordim mes grupeve parlamentar që vendi të shkojë në zgjedhje të parakohshme… është mirë që gjuhën e përbashkët që e kemi pasur si opozitë ta finalizojmë në një seancë, e cila do të mbahej javën tjetër…
Rezolutën e AAK-së do ta votojmë. Ku kërkojmë që e mbështesin faktin dhe kërkesën tyre që kryeministri duhet të jap dorëheqje, por, s’kemi mundësi me detyru…ashtu siç do t’i bëjmë thirrje AAK-së që ta votojë rezolutën e PDK-së që Kuvendi të shpërndahet me 30 maj”, ka thënë Tahiri.
Tahiri ka theksuar se shtatori duhet ta gjejë Kosovën me një Qeveri të re, teksa ka shtuar se shkuarja në zgjedhje në tetor është e padobishme.
“Nuk ka kuptim qe tetori të jetë muaj që vendi të shkojë në zgjedhje”, ka shtuar Tahiri.