Tri partitë kryesore ish-opozitare në Kuvendin e Kosovës, PDK, LDK dhe AAK, kanë njoftuar se nuk do të marrin pjesë në seancën e parashikuar për orën 11:00, duke e cilësuar atë si të paligjshme dhe në kundërshtim me rendin kushtetues të vendit.
Kryetari i Lidhjes Demokratike të Kosovës, Lumir Abdixhiku, kritikoi Vetëvendosjen, duke e cilësuar thirrjen e seancës së jashtëzakonshme si akt arbitrar dhe antikushtetues.
LDK konfirmoi se nuk do të marrë pjesë fare në seancën e orës 11:00, të cilën Abidxhiku e quajti “shfaqje parlamentare të një pushteti në ikje”.
Edhe nga PDK-ja e konfirmuan se nuk do të jenë të pranishëm në seancën e parë të ditës.
Po ashtu, edhe Aleanca për Ardhmërinë e Kosovës konfirmoi bojkotin e seancës së parë.