Faton Peci, ministri i Bujqësisë, iu ka thënë mirëmëngjesi 3 mijë e 901 bujqve të cilët janë përfitues të mbi 5 milionë eurove.
Tutje Peci ka treguar se ka nisur ekzekutimi i pagesave për përfituesit e subvencioneve në kuadër të Programit për Pagesa Direkte 2022 për çdo kulturë bujqësore.
“Vlera e proceduar për pagesë është 5, 161, 966. 81€ ndërsa numri i bujqve që do t’i përfitojnë këto mjete deri më tani është 3901”, ka shkruar ai në rrjetin e tij social Facebook.
“Duke qenë se afati për sasinë e dorëzuar të grurit është data 2 shtator, edhe pagesën për këtë sasi, në vlerë prej 0.03 €/kg, MBPZHR – AZHB do ta bëjë pas kësaj date si pagesë të veçantë për të gjithë aplikuesit të kulturës se grurit që dëshmojnë sasinë e dorëzuar të grurit, bazuar në kriteret e parapara me Programin e Pagesave Direkte 2022, konkretisht Udhëzimin Administrativ Nr.02/2022”.
Sipas, Pecit dëshmia për sasinë e dorëzuar të grurit dorëzohet në Drejtoritë Komunale për Bujqësi në Komunat përkatëse deri më 02 shtator 2022 në ora 16:00
Ai ka përfunduar duke thënë se Agjencia për Zhvillimin e Bujqësisë, po vazhdon shtypjen e vendimeve për të tjerë bujq përfitues
Sipas tij, në momentin e procedimit për pagesë të listës së radhës, Agjencia për Zhvillimin e Bujqësisë ,do iu mbajmë të informuar.