Ministri i Bujqësisë, Pylltarisë dhe Zhvillimit Rural, Faton Peci ka njoftuar se ka filluar vaksina kundër tërbimit, ku kjo sëmundje mund të bartet nga kafsha tek njeriu dhe është vdekjeprurëse.
Peci përmes një postimi në rrjetin social “Facebook” ka njoftuar se fushata “Parandalojmë tërbimin, ruajmë shëndetin”, ka për qëllim ndërgjegjësimin e njeriut mbi sëmundjen e tërbimit dhe masat që ndërmerren për parandalimin e saj në vendit tonë.
Sipas ministrit Peci, ky aktivitet ndaj vaksionimit kundër tërbimit zhvillohet dy herë në dy faza, pranverore dhe vjeshtore.
“Vaksinimi bëhet përmes shpërndarjes së karrem vaksinave nga ajri me avionë por edhe në menyrë manuale, për të siguruar konsumimin e vaksinave nga kafshët e egra”, thuhet në njoftim.