Peja ka mundur Dritën me rezultat 140:49 në xhiron e 27-të të Art Motion Superligës së Kosovës në basketboll.
Vendasit kanë dominuar në pjesën e parë duke shënuar 35:17, dhe po me të njëjtin ritëm ka vazhduar edhe pjesa e dytë. Peja shënoi mbi 30 pikë brenda çerekut.
Perioda e tretë u fitua nga vendasit me pikët 38:10, kurse perioda e fundit 37:9, duke triumfuar me rezultat 140:49, (35:17, 30:13, 38:10, 37:9).
Stephen Maxwell, nga Peja, u dallua dukshëm me 37 pikë e 13 kërcime, Caldin Godfrey me 23 pikë, 13 kërcime dhe tetë asistime, Daniel Lekndreaj me 22 pikë e 13 kërcime, kurse Nart Llapashtica me 18 pikë, nga Drita.
Peja ka, gjithsej, 18 fitore e nëntë humbje, ndërsa Drita 27 humbje.