“Bosnjë e Hercegovina dhe Kosova janë shtete absolutisht të harruara. Kosova nuk mund të marrë liberalizimin e vizave. Dhe tani çfarë entuziazmi dëshironi nga ajo popullatë, të jetë për Bashkimin Evropian?” ka thënë presidenti i Maqedonisë së Veriut, Stevo Pendarovski.
Arsyeja se pse sipas tij, ishte harruar Ballkani Perëndimor, nuk ishte shkaku i mungesës së reformave, por bllokimet e hapura nga vende anëtare të BE-së. Ai, gjithashtu, pohon se “disa vende evropiane nuk ishin të interesuara për rajonin e Ballkanit”.
Edhe kjo situatë ka prodhuar rezultatin e vetë për Presidentin e Maqedonisë së Veriut, i cili ka thënë se si pasojë e kësaj situate, po shpërngulen të rinjtë nga i gjithë Ballkani, duke shtuar se asnjë vend sot nuk ka aq banorë sa kishte 20-30 vjet më parë.
Më tej Pendarovski, nuk është shprehur i lumtur se Maqedonisë së Veriut i janë hapur negociata për anëtarësimi në Bashkimin Evropian(BE), sepse sipas tij, është dashur të pres 17 vjet për statusin e kandidatit.
Duke folur për rrugën e deritanishme evropiane të Maqedonisë së Veriut, Pendarovski tha se nuk është i kënaqur, duke pasur parasysh se negociatat për anëtarësim po fillojnë pas 17 vjetësh pritje me status të kandidatit.
“Ne praktikisht u harruam nga BE-ja dhe me një sërë shantazhesh ndërkohë, falë Zotit arritëm disi të bënim një lloj kompromisi me Republikën e Bullgarisë, me ndihmën e presidencës franceze dhe filluam negociatat. Nëse shikoni prapa, nga viti 2005 jemi me statusin e kandidatit dhe tek tani fillojmë negociatat, askush nuk mund të thotë se jemi shumë të suksesshëm në këtë drejtim”, ka thënë Pendarovski për Anadolu Agency.