Presidenti i Republikës së Maqedonisë së Veriut, Stevo Pendarovski po qëndron për një vizitë zyrtare në Malin e Zi.
Presidenti i Malit të Zi, Milo Gjukanoviç, e ka pritur me nderimet më të larta shtetërore presidentin Pendrovski.
Pas ceremonisë së mirëseardhjes, presidentët kanë zhvilluar një bisedë e cila është pasuar me takimin e delegacioneve të të dy vendeve.
“Për Malin e Zi dhe qytetarët malazezë, vizita e Presidentit të Maqedonisë së Veriut, një vend i afërt dhe miqësor për ne, është nder dhe emocion i veçantë”.
“Bisedimet dy-ditore janë një nxitje për të forcuar më tej lidhjet ndërshtetërore, aleate, të bazuara në një vizion të përbashkët për të ndërtuar të ardhmen tonë mbi arritjet euroatlantike dhe vlerat më të larta evropiane”, ka shkruar presidenti malazez, Milo Gjukanoviç në rrjetin social Twitter.
Dvodnevni razgovori podsticaj daljem snaženju međudržavnih, partnerskih savezničkih veza,
na temeljima zajedničke vizije da svoju budućnost gradimo na tekovinama euroatlantizma i najviših evropskih vrijednosti. pic.twitter.com/jJ6wkw5SGF— Milo Đukanović (@predsjednik_cg) April 12, 2022
Pendarovski përveç presidentit Gjukanoviq, do të takohet edhe me kryeministrin në detyrë, Zdavko Krivokapiç dhe zëvendësin e tij Dritan Abazoviq.