Për dy ditë rresht në Prishtinë mbahet Forumi për Gratë, Paqen dhe Sigurinë
Të hënën dhe të martën, më 2 dhe 3 qershor, në Prishtinë do të mbahet Forumi Ndërkombëtar për Gratë, Paqen dhe Sigurinë, me titull “Kodi i Sigurisë për Brezin Tonë”. Ky forum, i organizuar nën patronatin e presidentes së Kosovës, Vjosa Osmani, mbledh personalitete të larta nga vende të ndryshme të botës për të diskutuar […]
Të hënën dhe të martën, më 2 dhe 3 qershor, në Prishtinë do të mbahet Forumi Ndërkombëtar për Gratë, Paqen dhe Sigurinë, me titull “Kodi i Sigurisë për Brezin Tonë”.
Ky forum, i organizuar nën patronatin e presidentes së Kosovës, Vjosa Osmani, mbledh personalitete të larta nga vende të ndryshme të botës për të diskutuar çështje kyçe që lidhen me rolin e grave në paqe dhe siguri.
Në këtë forum, do të preken çështje të shumta si kontributin e grave për paqe dhe siguri, dhunën me bazë gjinore në konflikte të armatosura, por edhe adresimi i sfidave globale të shëndetit mendor.
Osmani e ka nderuar me pritje ceremoniale shtetërore, kreun e shtetit të Antigua dhe Barbuda dhe Guvernatorin e Përgjithshëm Sir Rodney Williams dhe Zonjën e Parë Lady Sandra Williams në prag të Forumin për Gratë Paqen dhe Sigurinë.
Krahas pjesëmarrjes së kreut të shtetit të rajonit të Karaibeve, Zyra e presidentes Osmani ka njoftuar se në Kosovë për këtë forum tashmë ka arritur edhe ministri i Jashtëm i Tanzanisë, Mahmoud Thabit Kombo si dhe përfaqësuesja speciale e sekretarit të përgjithshëm të NATO-s për Gratë, Paqen dhe Sigurinë, Irene Fellin.
Policia e Kosovës ka paralajmëruar se gjatë zhvillimit të forumit do të ketë ndërprerje të përkohshme të trafikut në disa rrugë të Prishtinës, ndaj kërkohet mirëkuptim nga qytetarët.















