Për herë të parë, Izraeli akuzon Rusinë për krime lufte në Ukrainë

Izraeli duke mbajtur marrëdhënie të shëndosha me Moskën për disa vite, kishte kërkuar të vepronte si forcë ndërmjetëse që nga pushtimi i Ukrainës dhe ishte përmbajtur në komentet për veprimet e forcave të presidentit rus, Vladimir Putin.

Megjithatë, Ministri i Jashtëm i Izraelit, Yair Lapid ka thënë të martën, në një deklaratë, se ”ka krime lufte të Rusisë në Ukrainë”, duke shënuar kështu, herën e parë që Izraeli ka bërë një pretendim të tillë në lidhje me luftën në Ukrainë.

”Imazhet dhe dëshmitë nga Ukraina janë të tmerrshme. Forcat ruse kryen krime lufte kundër një popullsie civile të pambrojtur. Unë i dënoj fuqishëm këto krime lufte”, tha ai.

Më herët sot, kryeministri izraelit, Naftali Bennett, dënoi vrasjen e civilëve të dokumentuar në Bucha, por nuk i mbajti përgjegjëse forcat ruse.

”Jemi të tronditur nga pamjet e tmerrshme në Bucha – skena të tmerrshme – dhe i dënojmë ato.Vuajtjet e qytetarëve ukrainas janë të mëdha dhe ne po bëjmë gjithçka që mundemi për të ndihmuar”, ka thënë Bennett, gjatë një konference për shtyp.

Presidenti i Rusisë, Vladimir Putini dhe Kryeministri i Izraelit, Naftali Bennett

Yaroslav Trofimov i Wall Street Journal thotë se është hera e parë që Izraeli akuzon qartë Rusinë për krime lufte në Ukrainë.

Ndryshe, zyrtarët izraelitë kanë diskutuar disa herë me Vladimir Putinin në lidhje me mundësinë e arritjes së një marrëveshjeje të paqes mes Rusisë dhe Ukrainës.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika