Sot do të tentohet për herë të pestë konstituimi i Komisionit Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla
Ky Komision ka dështuar të mbahet katër herë të tjera, pas mospjesëmarrjes së Lëvizjes Vetëvendosje.
Mbledhja e fundit u mbajt më 13 tetor, me ç’rast kryesuesi i Komisionit, Rashit Qalaj, tha se është e papranueshme bojkoti i mazhorancës, teksa ka njoftuar se do t’i drejtohen kryetarit të Kuvendit në lidhje me mungesat për katër herë të deputetëve të VV-së.
Kuvendi i Kosovës ka votuar për themelimin e Komisionit Hetimor Parlamentar për rezervat shtetërore më 21 shtator.
Iniciuesi për themelimin e këtij komisioni është shefi i grupit parlamentar të Lidhjes Demokratike të Kosovës, Arben Gashi.
Ai kishte thënë kohë më parë që duhet të zbardhen të gjitha dyshimet për keqpërdorime me rezerva shtetërore nga Ministrisë së Industrisë, Tregtisë dhe Ndërmarrësisë.