Për herë të tretë, Danimarka do të luajë në finale të Kampionati Botëror në hendboll, ndërsa Franca rikthehet pas mungesës në dy finalet e kaluara.
Në Gdansk të Polonisë, Danimarka e ka mposhtur Spanjën në gjysmëfinalen e parë me rezultat 26:23. Pas pjesës së parë, danezët kishin epërsi prej pesë golave, 15:10.
Lojtari më efikas nga Danimarka ishte Simon Pytlick, i cili shënoi gjashtë gola. Ndërkaq te Spanja ishte Alex Dujshebaev me pesë gola, derisa ndeshja u luajt para 6500 shikuesve.
Ndërkohë, gjysmëfinalja e dytë është luajtur në Stokholm të Suedisë, ku Franca ka kontrolluar ndeshjen ndaj Suedisë për të fituar në fund me rezultat 31:26.
Finalja e tretë luhet të dielën e 29 janarit në Stokholm prej orës 20:30, ndërkaq skuadrat finaliste të Botërorit janë përcaktuar të premten.