Për problemet shëndetësore që vijnë me moshën e shtyrë, flet kardiologu Qerimi

Kardiologu Qerimi ka treguar se moshat e shtyra janë ato, të cilat, janë më të prekura nga sëmundjet e sistemit kardiovaskular dhe jo vetëm. Përmes Radio Dukagjini, ai sjell këshilla dhe informacione lidhur me mirëqenien e shëndetit

Kardiologu, Agron Qerimi dhe Xheneta Asllani, moderatore në "Shpirti i vikendit"

Kardiologu Agron Qerimi ka treguar se me shtyrjen e moshës, problemet në shëndet dhe posaçërisht në sistemin kardiovaksular shpeshherë janë të paevitueshme.

Në një intervistë në emsionin “Shpirti i vikendit” me Xheneta Asllani në Radio Dukagjini, Qerimi ka thënë se ndonëse përgjatë njëzet viteve të fundit, vdekshmëria nga sëmundjet kardiovaskulare ka rënë, kujdesi ndaj evitimit të tyre nuk është asnjëherë i tepërt.

“20 vitet e fundit, vdekshmëria prej sëmundjeve vaskulare ka rënë, por prapë vlen të përmendet se disa kategori të sëmundjeve të zemrës si sëmundja dekongjustive e zemrës, aritmi i zemrës,  pacientët lajmërohen shpesh me çrregullime të ritmit të zemrës. Për gjithë këtë kohë, duhet të kemi kujdes se organet do të vijnë në një kohë të plakjes”, ka deklaruar Qerimi gjersa ka theksuar se problemet me hipertension janë evidente dhe se pas moshës 75-vjeçare, ndonjëherë janë të vështira të trajtohen.

Kardiologu Qerimi ka treguar se moshat e shtyra janë ato, të cilat, shpeshherë kanë vështirësi në mjekim, e një vështirësi të madhe e hasin përgjatë vjeshtës.

“Sezonë pas sezone, te moshat e shtyra kemi problem në mjekim. Tash vjeshta që po vjen kemi numrin më të madh të pacientave, megjithëse terapia që përshkruajmë mbetet ajo, e cila, deri tash përdorej nga ta, gjatë verës fillojnë të kenë edhe vlera të hipertensionit me barnat e njëjta që marrin gjatë gjithë sezonës”, ka deklaruar Qerimi.

Problemet urologjike janë, gjithashtu, evdidente, te të dyja gjinitë. Sipas specialistit në fjalë, gratë do të kenë problem me mbajtjen e urinës, ndërsa meshkujt problem me prostatën, gjë e cila, sjell një siklet përgjatë lëvizjes së lirë të tyre. Sa u përket femrave, Qerimi ka treguar se problemet fillojnë kryesisht pas menopauzës, ngase deri tani ishte estrogjeni, ai i cili ruante ato.

Por, asnjë medikament nuk duhet të merret pa bërë së pari analizat e hormoneve, tregon Qerimi, ashtu që të dihet saktësisht, se çka i nevojitet trupit tonë.

Problemet shëndetësore që vijnë me moshën e shtyrë, një vend të posaçëm ka edhe aspekti emocional.

“Me moshën e shtyrë kjo do të na bëjë problem në shpejtësinë e ecjes, mobilitetit, dhe të gjitha këto, njëra pas tjetrës lidhjen zinxhir. Te një i moshuar, vjen një fazë ku duhet t’i ndihmojmë edhe në aspektin emocional. Ata punojnë deri në moshën 65-vjeç dhe pas saj vjen një ndjenjë sikurse të ndjehurit të pavlerë, aty ku ne duhet t’i ndihmojmë dhe t’u ofrojmë kushte më të mira”, ka deklaruar ai, gjersa ka theksuar se kjo drejton në probleme me harresën dhe depresionin.

Për fund, Qerimi lë një mesazh se aktiviteti fizik është gjysma e një shëndeti të mirë dhe si i tillë, nuk duhet lënë anash.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika