Fabrika e mishit, “APETIT”, në magjistralen Mitrovicë-Prishtinë është përfshirë nga flakët në mëngjesin e së mërkurës. Këtë e ka bërë të ditur zëdhënësja e Policisë së Kosovës, Flora Ahmeti.
Ahmeti theksoi se incidenti i zjarrit ka ndodhur në një fabrikë nb Babimovc dhe janë shkaktuar vetëm dëme materiale.
“Sot rreth orës 05:30, kemi pranuar informatën për një incident zjarri në një fabrikë në fshatin Babimovc. Në vendngjarje janë zjarrfikësit dhe policia të cilët po merren me rastin ku janë shkaktuar vetëm dëme materiale. Për detaje të tjera njoftoheni me kohë”, deklaroi Ahmeti.
Ndërsa, Malë Gashi, shef i Zjarrfikësve për Portalin Dukagjini e ka konfirmuar se ekipet e zjarrfikëssve janë në vendin e ngjarjes dhe janë “duke eliminuar zjarrin”.
Gashi tha se zjarri dyshohet të jetë aktivizuar rreth orës 05:00.