Të gjitha skuadrat kanë luajtur tashmë ndeshjen e tyre të parë në Kupën e Botës 2022 , kështu që tani është koha për raundin e dytë.
Raundi i dytë dhe dita e gjashtë e Kampionatit Botëror, ka filluar me ndeshjen e Uellsit dhe Iranit.
Pjesa e parë e lojës në mes kombëtares iraniane dhe e Uellsit ka përfunduar me rezultat të barabartë 0:0.
Sulmuesi iranian, Ali Gholizadeh, në minutën e 16-të kishte arritur të shënoj golin e parë, por, gola u kontrollua nga vari dhe doli të jetë pozicion jashtë loje.
Në pjesën e parë Uellsi dukej se po dominonte më shumë lojën por, rezultati mbeti i njëjtë si në fillim.
Irani vetëm luajti në pjesën e parë me shumë pasime, njëra ndër to ishte edhe ajo e shënimit drejt rrjetës i goditur nga Gholizadeh.
Sulmuesi Serdar Azmoun, i cili luajti asistoi tek ai, nëse do ta kishte bërë vetë goditjen ndoshta do të ishte goli i tyre i parë për të kryesuar ndaj Uellsit.
Kjo ndeshje është e duelit të Grupit B, më pas në orën 14:00 pritet të ndeshen Katari me Senegalin në kuadër të grupit A. Të dyja ekipet i kanë nga zero pikë dhe radhiten në fundin e grupit.
Kombëtarja e Iranit, aktualisht nuk e ka asnjë pikë për shkak të humbjes nga kombëtarja e Anglisë, kurse Uellsi, e ka vetëm një pikë për shkak të barazimit me ShBA-në.
Aktualisht këtë grup e kryeson Anglia me tri pikë të fituara.
Po ashtu, në grupin A, do të luajë Holanda me Ekuadorin, duke filluar nga ora 17:00, të dyja këto kombëtare i kanë nga tri pikë, dhe do të luftojnë për kryesimin e grupit A.
Kurse loja e fundit e së premtes, do të luhet në mes të ShBA-së dhe Anglisë, duke filluar nga ora 20:00. Anglia aktualisht është në krye të grupit B, me tri pikë, kurse ShBA e ka vetëm një.