Ambasadorët e QUINT-it janë takuar me kryeministrin Kurti, të premten e 28 tetorit, tri ditë para se të skadojë afati për konvertimin e targave ilegale serbe në ato të Republikës së Kosovës.
Tashmë ambasadorët kanë dalur nga ndërtesa e qeverisë, por nuk janë prononcuar për medie, transmeton RTK.
Njëkohësisht, gjatë kësaj të premte pritet që në Mbledhjen e Qeverisë kryeministri Kurti të flasë për targat ilegale serbe.
Ndërsa, Kurti është shprehur se gjatë pasditës së sotme do të deklarohet për çështjen e konvertimit të targave dhe ndalesën e zëvendëskryeministrit, Besnik Bislimi në Beograd.
Kryeminsitri Kurti gjatë marshit tradicional në muajin e ndërgjegjësimit kundër kancerit të gjirit, të premten e 28 tetorit ka theksuar se për çështjen e targave dhe ndërmjetësimit ndërkombëtar në raportet me Serbinë do të flasin në ndërtesën e qeverisë.