Takimi në mes të dërguarit të posaçëm për Ballkanin Perëndimor të SHBA-së, Gabriel Escobar dhe kryetarit të LDK-së, Lumir Abdixhikut nga LDK, kryetarit të PDK-së Memli Krasniqit dhe kryetarit të AAK-së, Ramush Haradinaj ka përfunduar.
Asnjëri nga të lartëcekurit nuk ka folur për media pas takimit dy orësh të mbajtur në rezidencën e ambasadorit amerikan në Kosovë, transmeton KP.
Escobar ka nisur vizitën e tij në Prishtinë të martën, një ditë para homologut evropian, Miroslav Lajçak.
Megjithatë, i njëjti nuk ka takuar protagonistin kryesor të dialogut, kryeministrin Albin Kurti por vizitën e tij e nisi me Presidenten e Republikës së Kosovës, Vjosa Osmani.
Të martën e 23 gushtit, Presidentja e Kosovës, Vjosa Osmani, ka pritur në takim përfaqësuesin Special të Shteteve të Bashkuara të Amerikës për Ballkanin Perëndimor, Gabriel Escobar. Ky i fundit nuk ka pranuar të prononcohet për media pas takimit.
Osmani pas takimit me Escobar: Partneriteti ynë me SHBA-të vazhdon të jetë qenësor