Përkujtohet regjisorja, Arzana Kraja, në tre vjetorin e ndarjes nga jeta

Për nder të veprës së regjisores, Arzana Kraja është organizuar një ceremoni përkujtimore me rastin e tre vjetorit të ndarjes nga jeta. Në këtë organizim është vlerësuar lartë kontributi i regjisores në kinematografinë kosovare

Në ceremoninë përkujtimore të regjisores, Arzana Kraja

Në përkujtim të regjisores, Arzana Kraja e cila i ka lënë një mori veprash kinematografisë kosovare është organizuar një ceremoni përkujtimore ku u vlerësua lartë kontributi i saj si autore e filmave të shkurtër, dokumentarë, realizime të shumta televizive dhe filma të metrazhit të gjatë.

Bashkëpunëtorët e saj kanë theksuar se ikja e hershme e regjisores Kraja, pikërisht në kohën kur ishte në kulmin e pjekurisë artistike, ishte humbje e madhe për artin kosovar.

Ministri i Kulturës, Rinisë dhe Sportit, Hajrulla Çeku, në fjalën e tij hyrëse ka thënë se puna e regjisores Kraja vlerësohet lartë.

Duke folur për kontributin e saj në kinematografi, ministri ka shtuar se ajo ishte pjesë e kineastëve tanë të suksesshëm dhe padyshim një prej anëtarëve shumë të denjë të valës së re të regjisorëve në sukseset kombëtare dhe ndërkombëtare.

Në vazhdën e ceremonisë përkujtimore është shfaqur filmi artistik i regjisores Kraja “Fusha e Mëllenjave”, i cili përmban në vete idealizmin e një ish të burgosuri politik, që është kthyer në vendlindje për të kuptuar të vërtetën e asaj kohe për tradhtinë që iu ishte bërë.

Përveç familjarëve, miqve dhe kolegëve në këtë organizim e pranishme ishte edhe ish-presidentja e Kosovës, Atifete Jahjaga.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika