Tre fëmijë kanë pranuar tretman mjekësor në Gjakovë pas një përleshjeje fizike në një shkollë në lagjen “Dardania”.
Kështu njoftoi për portalin Dukagjini, zëdhënësi i policisë për rajonin e Gjakovës, Sheremet Elezaj.
Ai tha se të njëjtit kanë pësuar lëndime të lehta trupore, të cilat dyshohet se i janë shkaktuar nga mjete të forta.
Policia po e heton rastin.
“Rreth orës 10:00 është raportuar se tre fëmijë kanë pranuar trajtim mjekësor, pasi ishin përfshirë në një përleshje fizike në një shkollë në lagjen “Dardania” në Gjakovë. Pasi kanë pranuar ndihmën e nevojshme mjekësore, janë liruar nga spitali (sipas personelit mjekësor dhe hetimeve të para të zhvilluara bëhet fjalë për lëndime të lehta trupore, të cilat dyshohet të jenë shkaktuar nga mjete të forta). Policia iu ka përgjigjur rastit dhe është duke u vazhduar me procedurë të rregullt hetimore”, ka thënë Elezaj.