Katër persona janë arrestuar, pasi janë përleshur fizikisht mes vete pas një mosmarrëveshjeje rreth një kontesti pronësor.
Policia e Kosovës në raportin 24-orësh këtë rast e ka cilësuar si “vrasje në tentativë, lëndim i lehtë trupor dhe sulm”.
Rasti raportohet të ketë ndodhur në Gjilan.
Në vendin e ngjarjes është gjetur dhe sekuestruar një pistoletë.
Të dyshuarit janë dërguar në mbajtje.
“Janë arrestuar katër të dyshuar meshkuj kosovar, për shkak se janë përleshur fizikisht në mes vete pas një mosmarrëveshje rreth një kontesti pronësor. Në vendin e ngjarjes, është gjetur dhe sekuestruar një pistoletë e kalibrit 9mm., një gëzhojë dhe 13 fishekë. Të dyshuarit pas intervistimit, me vendim të prokurorit janë dërguar në mbajtje”, thuhet në raport.