Një 50-vjeçar nga Kosova ka mbetur i plagosur pas një përleshje me thikë mbrëmjen e së enjtes në Kune të Shëngjinit.
Ngjarja ka ndodhur mes tij dhe një personi tjetër 66-vjeçar, i cili gjithashtu është shtetas i Kosovës dhe siç ka raportuar Top Channel, ai është arrestuar menjëherë pas përleshjes.
Si pasojë e sulmit, 50-vjeçari ka pësuar një plagë në zemër dhe ishte transportuar menjëherë në spitalin e Lezhës që t’i jepet ndihma e parë mjekësore.
Por, për shkak të rëndimit të gjendjes së tij shëndetësore, ai është dërguar për trajtim shtesë në Tiranë.
Detaje të tjera rreth ngjarjes dhe arsyet e përleshjes nuk janë bërë publike akoma, por autoritetet po vazhdojnë hetimet për të zbuluar shkaqet e kësaj ngjarjeje.