Një përleshje ka ndodhur të enjten mes dy familjeve në Malishevë, ku janë arrestuar dhjetë burra dhe një grua.
Incidenti ka ndodhur mëngjesin e së enjtes, pas një mosmarrëveshjeje ndërmjet palëve.
Policia kishte arritur në vendngjarje dhe ka konfiskuar një revole të llojit Sar, e cila kishte 14 fishekë.
Sipas njoftimit të policisë, me vendim të prokurorit, shtatë nga të dyshuarit janë dërguar në mbajtje për hetime të mëtejshme, ndërsa tre të tjerët janë lënë të lirë për momentin, por do të merren në pyetje.
“Malishevë, 08.08.2024-12:00. Raportohet se pas një mosmarrëveshjeje janë rrahur mes veti dy familje. Lidhur me rastin janë arrestuar dhjetë (10) meshkuj kosovarë dhe një femër kosovare. Në vend të ngjarjes është gjetur dhe është konfiskuar një revole e llojit Sar me 14 fishekë. Me vendim të prokurorit shtatë (7) të dyshuar dërgohen në mbajtje”, thuhet në njoftimin e PK-së.