Banorët e New South Wales në Australi janë paralajmëruar nga agjensitë australiane që të evakuojnë pjesë të caktuara të rajonit ngase është paralajmëruar që reshjet nuk do të ndalen deri të hënën.
Tashmë, niveli i ujit nga reshjet e pandërprera të shiut kanë arritur në 1.5 metra në disa rajone. Lajmi ka paralajmëruar se niveli i ujit në këtë rajon mund të rritet aq sa kishte arritur në mars, ku pjesë të mëdha të qyteteve australiane u përmbysën.
Meteorologu Jonathan Haw ka thënë për “ABC News” se në fshatin Menangl rreth 70 kilometra në jugperëndim të Sydney, niveli i ujit në lumenj ka arritur në 16.5 metra, që është pak centimetra nën rekordin prej 16.8 metra që ishte arritur në prill të këtij viti.
Pamjet e mediave të atjeshme shfaqin rrugët e mbuluara nga uji, ku qytetarë të shumtë kanë mbetur të ngujuar nëpër shtëpi.
⚠️ #MAJOR FLOODING OCCURRING AT NORTH RICHMOND WITH RIVER LEVELS POSSIBLY RISING TO THE MARCH 2022 EVENT SUNDAY NIGHT https://t.co/qkovCo90dG
follow advice from @NSWSES. #NSWFloods pic.twitter.com/kW7Rij8Nl5— Bureau of Meteorology, New South Wales (@BOM_NSW) July 3, 2022
Ministri i Shërbimeve të Urgjencës, Steph Cooke, ka paralajmëruar se komunitetet e prekura midis Newcastle dhe Batemans Bay duhet të përgatiten për t’u evakuuar “me një njoftim të shkurtër”.
“Ju lutemi mos u kapni në pavetëdije… kjo është një situatë emergjente kërcënuese për jetën”, ka thënë ai.
Në 24 orët e fundit, Shërbimi Shtetëror i Emergjencave të NSW-së u është përgjigjur më shumë se 1,400 kërkesave për ndihmë dhe ka kryer 29 shpëtime nga përmbytjet pasi shiu i rrëmbyeshëm vazhdon të përfshijë pjesë të mëdha të shtetit.
Lumi Hawkesbury-Nepean arriti nivele të përmbytjeve të mëdha në orën 22:15 të së shtunës në mbrëmje, më herët se sa pritej, ndërsa diga” Warragamba” u derdh shumë përpara parashikimeve në orën 02:00 të mëngjesit të së dielës.
Warragamba's spill continues to grow, and may exceed 400 gigalitres a day today. That's 400,000,000,000 litres, or about a fifth of the dam's total capacity. pic.twitter.com/nXJGBPeEVd
— Peter Hannam (@p_hannam) July 2, 2022