Përplasi për vdekje 17-vjeçarin, arrestohet ish-kryebashkiaku i Himarës

Ish-kryetari i bashkisë së Himarës, Vasil Bollano, është arrestuar nga policia, pasi të mërkurën ka përplasur për vdekje të miturin Elio Hamiti

Ilustrim

Ish-kryetari i bashkisë së Himarës, Vasil Bollano, është arrestuar nga policia pasi të mërkurën përplasi për vdekje të miturin Elio Hamiti, i cili po lëvizte në këmbë në Llogara.

Shkaqet e këtij aksidenti të rëndë nuk dihen ende, ndërsa policia thotë se ish-kryebashkiaku do të akuzohet për veprën penale “Shkelja e rregullave të qarkullimit rrugor”, me pasojë vdekjen, shkruan Topchannel.

“Specialistët e Qarkullimit Rrugor arrestuan në flagrancë shtetasin V. B., 66 vjeç, banues në Himarë. Ky shtetas, ditën e djeshme, rreth orës 17:00, duke drejtuar automjetin, në aksin rrugor Orikum-Llogara, në afërsi të fushës së sportit, ka aksidentuar shtetasin E. H., 17 vjeç, banues në Dukat, i cili lëvizte në këmbë. Si pasojë e dëmtimeve të marra 17-vjeçari ka ndërruar jetë në Spitalin e Traumës, Tiranë. Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme, për veprën penale “Shkelja e rregullave të qarkullimit rrugor”, me pasojë vdekjen“, ka njoftuar policia e vendit.

Rasti ka ndodhur mbrëmjen e së mërkurës. Bollano ka qenë duke vozitur automjetin tip “Benz”, teksa ka përplasur 17-vjeçarin, i cili ka ndërruar jetë në Spitalin e Traumës në Tiranë.

 

 

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika