Shumica prej nesh kemi pasur fatin të dëgjojmë përralla nga gjyshërit tanë, por jo të gjitha i mbajmë në mend.
E autorja e librit “Përralla e Gjyshes” – Shtëpiza e lepurit nga lëvoret e shalqirit, Mrika Maliqi, është kujdesur që përrallat nga Gjyshja e saj të mos mbesin vetëm gojëdhëna, por ato, përmes librit të përcillen deri te nipërit e mbesat.
Autorja e librit “Përralla e Gjyshes”Në emisionin Drive on D, me Donika Hysenin, që transmetohet nga e hëna në të premte nga ora 14:00 deri në orën 16:00, në Radio Dukagjini, Mrika ka treguar se një pjesë e mjeteve nga shitja e këtij libri, do të shkojnë në ndihmë për fëmijët me sëmundje të kancerit.
Kjo do të mundësojë që përmes fondacionit “Care for Kosovo kids” të sigurohen barërat që kanë nevojë fëmijët e prekur nga kjo sëmundje.
Autorja e librit ka thënë se duke blerë një përrallë për fëmijët tuaj të shëndoshë, ju mund të ndihmoni edhe shumë fëmijë të tjerë të cilët vuajnë nga sëmundja e kancerit.
Promovimi i librit “Përralla e Gjyshes” – Shtëpiza e lepurit nga lëvoret e shalqirit, do të bëhet më 30 Qershor, nga ora 19:00, në librarinë Dukagjini në Prishtinë.