Kryeministri i Shqipërisë, Edi Rama, ka reaguar pas seancës së shkurtër parlamentare ku mes kaosit u votua në parim buxheti i vitit 2024.
I pari i qeverisë ka komentuar veprimet e opozitës, për të cilat, thotë se kanë prekur fundin dhe se “i ka marrë me vete halli i një të kërkuari nga drejtësia”.
“I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i lëshojë derisa të shkërmoqen e të ridalin copa e çika mbi ujë, si mbeturinat e një anijeje të mbytur”, shkruan Rama në rrjetin social “X”.
I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i… pic.twitter.com/pdjq7NiIVp
— Edi Rama (@ediramaal) November 20, 2023
Ndërsa, sot u zhvillua seanca e radhës parlamentare ku duhej të zhvillohej diskutim maratonë në lidhje me buxhetin 2024.
Deputetët e opozitës ndezën tymuese, flakadanë dhe bllokuan foltoren e Kuvendit. Megjithatë, mazhoranca votoi në parim buxhetin. Seanca zgjati vetëm 5 minuta.