Përurohet skulptura e Leutrim Ahmetit, i vrarë gjatë luftës nga forcat serbe

Në Ditën e Çlirimit të Skenderajt është zbuluar shtatorja e Leotrim Ahmetit, djalit 7-vjeçar të vrarë gjatë luftës, si pjesë e aktiviteteve për të përkujtuar 25-vjetorin e çlirimit nga forcat serbe

Shtatorja e 7-vjeçarit të vrarë gjatë luftës së fundit në Kosovë.

Në 25-vjetorin e çlirimit të Skenderajt, është përuruar skulptura e Leutrim Ahmetit, 7-vjeçarit të vrarë gjatë luftës së fundit në Kosovë.

Bashkë me udhëheqësit e Komunës së Skenderajt, Shukrie Ahmeti, ka zbuluar shtatoren e djalit të saj, Leotrimit.

Kryetari i Komunës së Skenderajt, Fadil Nura, ka deklaruar se krahas shtatores së kryekomandantit legjendar, Adem Jashari, sheshi i këtij qyteti do ta mbajë edhe shtatoren e Leutrimit shtatëvjeçar, që përfaqëson çdo viktimë të vrarë në luftën e Kosovës.

“Oj nanë, këqyr se edhe unë kam diçka në bark, jam sëmut prej barku”, ky është tregimi i nënës së Leotrimit, Shukrije Ahmetit, rrëfim që frymëzoi skulptorin, Sabri Behramaj.

Leotrimi është djali i Malush Ahmetit, dëshmor i UÇK-së.

Shtëpia e Malushit në Rezallë ka shërbyer si vendpunishte për rregullimin dhe mirëmbajtjen e armëve me të cilat UÇK-ja e luftonte okupatorin serb.

Në sheshin kryesor janë vendosur fotografi të ndryshme, dëshmi për kohën e luftës në Skenderaj dhe në zonën e Drenicës.

Këtë vit shënohen 25 vjet nga çlirimi i Skenderajt nga forcat e armatosura serbe. Për të përkujtuar këtë ditë, Komuna e Skenderajt ka organizuar një sërë aktivitetesh, duke përfshirë homazhe në Kompleksin përkujtimor “Adem Jashari” në Prekaz dhe në Marinë.

Një seancë solemne mbahet në Kuvendin e Komunës së Skenderajt, pasuar nga një Akademi përkujtimore, për të nderuar dëshmorët dhe martirët e komunës.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika