Policia e Kosovës ka njoftuar për arrestimin e një personi në Prizren, i cili dyshohet për keqpërdorim të pozitës zyrtare apo autoritetit zyrtar.

Sipas policisë, i dyshuari gjatë periudhës 2017-2019, dyshohet se  kishte përvetësuar në mënyrë të kundërligjshme para në shumë të përgjithshme prej 150 660.61 euro.

I njëjti është dërguar në mbajtje.

“Prizren / 01.01.2017. Është arrestuar i dyshuari mashkull kosovar për shkak se i njëjti gjatë periudhës 2017-2019 kishte përvetësuar në mënyrë të kundërligjshme para në shumë të përgjithshme prej 150 660.61€. Me urdhër të prokurorit i dyshuari është dërguar në mbajtje”, thuhet në raportin e Policisë së Kosovës.