Një aksident trafiku ka ndodhur në mëngjesin e 15 marsit në hyrje të Prishtinës, më saktësisht në Veternik.

Si pasojë e aksidentit kanë mbetur të lënduar pesë persona.

Kështu ka bërë të ditur për Portalin Dukagjini, zëdhënësja e Policisë së Kosovës për rajonin e Prishtinës, Flora Ahmeti.

Ahmeti ka thënë se “rreth orës 08:00 kemi pranuar informatën se në lagjen Veternik në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar pesë persona”.

Ajo ka theksuar se me rastin po merret njësiti i trafikut.