Pesë persona kanë humbur jetën si pasojë e një sulmi me armë zjarri që ndodhi të hënën në qytetin verior të Stade, në Gjermani, njoftoi policia.
Sipas autoriteteve, motivi i sulmit ende nuk është bërë i ditur. Deri më tani janë arrestuar dy persona, përfshirë një të dyshuar mashkull.
Mediat lokale raportojnë se ngjarja ka ndodhur në një qendër rinore në qendër të Stade, një qytet me rreth 50 mijë banorë, në perëndim të Hamburgut.
Gazeta Bild raportoi se të pesë viktimat janë të rritur, ndërsa disa persona të tjerë kanë mbetur të plagosur.
Disa media gjermane kanë raportuar se në sulm mund të kenë qenë të përfshirë më shumë se një autor, por policia nuk e ka konfirmuar ende këtë informacion.
Ndërkohë, autoritetet u kanë bërë thirrje banorëve që të shmangin zonën ku ndodhi incidenti, derisa hetimet janë në zhvillim.