Pesë raste të dhunës janë shënuar përgjatë 24 orëve të fundit në Kosovë, ka raportuar Policia e Kosovës.
Është arrestuar i dyshuari mashkull kosovar pasi ka ushtruar dhunë ndaj anëtarëve të familjes së tij, në Prishtinë. Ndërkaq, nuk raportohet për lëndime.
Rasti ka ndodhur në orët e mëngjesit të së premtes dhe me vendim të prokurorit, i dyshuari është dërguar në mbajtje.
Pak para mesnatës të po të njëjtës ditë, është arrestuar një i dyshuar tjetër i cili në vazhdimësi, dyshohet të ketë ushtruar dhunë ndaj bashkëshortes. Rasti ka ndodhur në Shtime ndërsa i dyshuari është dërguar në mbajtje me urdhër të prokurores.
Këto nuk janë të vetmet raste të raportuara për dhunë të ushtruar përgjatë të premtes, bën të ditur raporti 24-orësh i Policisë së Kosovës.
Është arrestuar i dyshuari mashkull kosovar pasi ka ushtruar dhunë ndaj vajzës së tij viktimës femër kosovare, në Suharekë. Atij i është konfiskuar një thikë.
Ndërkaq, në mesditë të së premtes, janë arrestuar dy të dyshuar, përkatësisht një femër dhe një mashkull, pasi ata janë përleshur në mes vete. Pas tretmanit mjekësor me vendim të prokurorit, i dyshuari është dërguar në mbajtje, ndërsa e dyshuara është liruar në procedurë të rregullt. Rasti ka ndodhur në qytetin e Gjakovës.