Pesë persona janë arrestuar të dielën në Podujevë, nën dyshimin se pas një mosmarrëveshjeje janë përfshirë në një përleshje mes vete.
Policia ka njoftuar të hënën se në vendin e ngjarjes janë gjetur dhe sekuestruar tri gëzhoja që dyshohet se janë të armës AK-47.
“Janë arrestuar pesë të dyshuar meshkuj kosovarë për shkak se pas një mosmarrëveshjeje në komunikacion janë përfshirë në një përleshje ndërmjet vete. Në vendin e ngjarjes janë gjetur dhe sekuestruar tri gëzhoja që dyshohet se janë të armës AK47”, thuhet në njoftimin e Policisë.
Katër nga të dyshuarit pas inicimit të rastit janë liruar në procedurë të rregullt, ndërsa njëri që dyshohet se ka shtënë me armë në ajër, me vendim të prokurorit është dërguar në mbajtje.