Pesë persona kanë mbetur të lënduar si pasojë e një aksidenti trafiku të mërkurën, në rrugën Prishtinë-Podujevë.
Lajmin për Dukagjinin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti. Ajo ka treguar se në aksident janë përfshirë dy vetura.
“Sot rreth orës 15:30, kemi pranuar informatën për n3ë aksident trafiku rrugor të ndodhur në rrugën Prishtinë -Podujevë. Në aksident janë përfshirë dy automjete, ku pesë persona kanë pësuar lëndime trupore”, ka deklaruar ajo.
Tutje, Ahmeti ka bërë të ditur se njësia rajonale e trafikut po merret me rastin.