Pesë persona janë lënduar si pasojë e një aksidenti që ka ndodhur në fshatin Drenoc të Klinës.

Rastin për Dukagjinin e ka konfirmuar zëdhënësi i Policisë për rajonin e Pejës, Fadil Gashi.

Ai ka bërë të ditur se në aksident janë përfshirë dy automjete.

Gjithashtu ka theksuar se të lënduarit janë dërguar për trajtim në emergjencën e spitalit të Pejës.

“Rreth orës 13:30 ka ndodhur një aksident trafiku në fshatin Drenoc në komunën e Klinës. Në aksident janë përfshirë dy automjete, ndërsa pesë persona janë dërguar në Emergjencën e Pejës për trajtim mjekësor”, ka thënë Gashi.

Sipas tij, ende nuk dihet gjendja e të lënduarve dhe se Policia është në vendngjarje.