Shërbimi Korrektues i Kosovës, përmes një komunikate, ka bërë të ditur se e ka pezulluar nga puna zyrtarin me iniciale E.Q, i cili dyshohet se e ka keqpërdorur detyrën zyrtare duke marrë ryshfet.
“Shërbimi Korrektues i Kosovës njofton opinionin publik se ka pezulluar nga puna zyrtarin E.Q. I njëjti dyshohet se gjatë kryerjes se detyrës ka kryer veprën penale keqpërdorim të pozitës zyrtare dhe marrje të ryshfetit”, thuhet në njoftim.
Vendimi për pezullim, sipas ShKK-së, është marrë nga Komisioni Disiplinor i ShKK-së, dhe se menjëherë janë njoftuar organet kompetente, të cilat janë duke u marrë me rastin.
Masa e pezullimit, sipas njoftimit të ShKK-së, mbetet në fuqi deri në një vendim tjetër.