Dy persona janë plagosur nga të shtënat me armë zjarri në orët e pasdites të mërkurën në Klinë.
Këtë për Portali D, e ka konfirmuar zëdhënësi i policisë për rajonin e Pejës, Driton Rugova, i cili ka theksuar se të plagosurit janë dërguar në Spitalin e Pejës për trajtim mjekësor.
“Rreth orës 13:40 policia është informuar se ka të shtëna me armë zjarri në Klinë. Policia ka dalë në vendin e ngjarjes ku kanë takuar një person të plagosur. I plagosuri i dytë është dërguar në spital në Pejë”, ka thënë Rugova.
Sipas tij, në vendin e ngjarjes menjëherë ka dalë njësiti policor.
“Në vendin e ngjarjes kanë dalë policia. Po grumbullojme informacione se pse ka ardhur deri te ky rast”, shtoi ai.