Dy persona kanë mbetur të plagosur nga një armë zjarri në Mramor të Prishtinës, të dielën e një majit.
Kjo për RTV Dukagjinin është konfirmuar nga zëdhënësi i policisë për rajonin e Prishtinës, Agron Borovci.
“Sot rreth orës 15:30, është pranuar informacioni për një plagosje me armë zjarri të ndodhur në lagjen Suteskë të fshatit Mramor të Komunës së Prishtinës”.
![](https://www.portalid.com/wp-content/uploads/2022/05/Screenshot_16-6.png)
Sipas tij, të plagosurit janë dërguar për trajtim në Qendrën Klinike Universitare të Kosovës.
“Policia ka dalë në vendin e ngjarjes, dhe mbështetur në të dhënat e para, janë ngritur dyshimet se dy persona kanë marrë plagë nga arma zjarrit. Të njëjtit janë dërguar në QKUK për të marrë trajtimin e nevojshëm mjekësor”, shtoi ai.
Po ashtu, Borovci ka theksuar se aktualisht hetuesit policorë kanë nisur një hetim për sqarimin e të gjitha rrethanave që e karakterizojnë rastin.
Ndryshe, nga të dhënat e policisë të publikuara në raport, brenda 24 orëve të fundit janë arrestuar, gjithsej, gjashtë persona.