Një 27-vjeçar është plagosur me armë zjarri pasditen e së hënës në fshatin Stanovc të Vushtrrisë.

Rasti ka ndodhur rreth orës 18:00, ndërsa viktima është dërguar menjëherë për trajtim mjekësor. Sipas njoftimit, i plagosuri ndodhet jashtë rrezikut për jetë.

Policia e Kosovës ka bërë të ditur se në vendin e ngjarjes janë gjetur katër gëzhoja. 

Rasti po trajtohet si “vrasje e rëndë në tentativë”, ndërsa hetimet janë në zhvillim.

Policia është duke punuar për identifikimin dhe kapjen e personit të dyshuar që dyshohet se ka shtënë me armë.