Një person ka mbetur i plagosur në lagjen Emshir të Prishtinë, i cili është jashtë rrezikut për jetë.

Rastin e ka konfirmuar Policia e Kosovës.

Zëdhënësi i Policisë për rajonin e Prishtinës, Agron Borovci, ka thënë se në rrugën ”Rexhep Krasniqi” në Prishtinë është plagosur një person, i cili është jashtë rrezikut për jetë.

“Rreth orës 21:00 është raportuar për të shtëna me armë zjarri në rrugën ‘Rexhep Krasniqi’ në Prishtinë.

Nga informacionet e para bëhet e ditur për një person të plagosur, jashtë rrezikut për jetë, i cili po merr trajtimin e nevojshëm mjekësor në QKUK”.

Borovci tutje ka bërë të ditur se i dyshuari është identifikuar.

“Policia menjëherë ka dalë në vendin e ngjarjes, ka identifikuar një person të dyshuar, si i implikuar në rastin në fjalë, përderisa po vijon punën hetimore me qëllim zbardhjen e plotë të rrethanave të kësaj ngjarjeje”, ka thënë ai.