Një person ka mbetur i plagosur në orët e para të së dielës në rrugën Klinë- Gjakovë.
I njëjti kishte qenë duke udhëtuar me familjarët e tij, në afërsi të fshatit Kramovik kur me të dalë nga vetura ishte plagosur.
Kështu për Dukagjinin e ka konfirmuar zëdhënësi i Policisë për rajonin e Gjakovës, Sheremet Elezaj.
“Sot në orët e hershme të mëngjesit, është pranuar informata se një mashkull i moshës madhore është dërguar për trajtim mjekësor, pasi ishte qëlluar me armë zjarri. Ngjarja dyshohet të ketë ndodhur rreth orës 01:00, në rrugën Klinë–Gjakovë në afërsi të fshatit Kramovik. Sipas të dhënave fillestare, viktima kishte qenë duke udhëtuar me familjarët e tij. Ne ndërkohë kishte dalë nga vetura me të cilën po udhëtonte dhe në afërsi të rrugës është qëlluar nga një drejtim ende i panjohur. Viktima aktualisht është duke marrë trajtim mjekësor”, ka thënë Elezaj.
Rasti është cilësuar si “Vrasje në tentativë” dhe po vazhdon të hetohet nga njësitet kompetente policore.