Një i dyshuar është arrestuar për plagosjen e një personi në fshatin Sllakovc në Vushtrri.

Siç ka njoftuar Policia e Kosovës, rasti ka ndodhur të dielën në mbrëmje dhe është trajtuar si “Lëndim i rëndë trupor, armëmbajtje pa leje dhe Gjueti e kundërligjshme”.

“Është arrestuar i dyshuari mashkull kosovar nën dyshimin se i njëjti ka qëlluar/plagosur me armë zjarri viktimën mashkull kosovar. Viktima është dërguar në QKUK ndërsa nga i dyshuari janë konfiskuar dy armë gjuetie”, thuhet në raportin 24-orësh të Policisë.

Me vendim të prokurorit, i dyshuari pas intervistimit thuhet se është dërguar në mbajtje.