Rreth orës 14:00, Policia e Kosovës ka pranuar informatën për një person të plagosur me armë zjarri në rrugën “Ilaz Kodra” në Mitrovicën e Jugut.

Sipas Policisë, viktima, mashkull i moshës madhore, ka pësuar lëndime dhe është dërguar në spital për trajtim mjekësor.

Si rezultat i veprimeve të shpejta operative dhe hetimore, Policia ka arritur të identifikojë dhe arrestojë një person të dyshuar, i cili dyshohet se ka plagosur viktimën.

Nga i dyshuari është konfiskuar edhe një armë zjarri.

Hetuesit policorë, në koordinim me Prokurorin e rastit, janë duke vazhduar procedurat e mëtejme hetimore.