Policia e Kosovës ka arrestuar dy persona të dyshuar, të cilët ishin në kërkim lidhur me rastin e plagosjes së ndodhur të martën në Prishtinë.
Sipas njoftimit të Policisë, pas një pune intensive hetimore, zyrtarët e Sektorit të Hetimeve të Kryeqytetit kanë arritur t’i identifikojnë dhe t’i arrestojnë të dyshuarit, të cilët dyshohet se janë të përfshirë në veprën penale “Lëndim i rëndë trupor”.
Të arrestuarit janë A.K., 36 vjeç, dhe A.Xh., 36 vjeç.
Pas intervistimit, me vendim të Prokurorit të Shtetit, ndaj të dyshuarve është caktuar masa e ndalimit për 48 orë, ndërsa hetimet lidhur me rastin po vazhdojnë.