Gjatë së hënës Kuvendi Komunal i Prishtinës e ka miratuar planin rregullues për lagjen “Kalabria”.
Për këtë plan të kryetarit, Përparim Rama, janë kundër Partia Demokratike e Kosovës (PDK), ku në “FIVE” të Dukagjinit asamblesitja e kësaj partie, Gresa Lahu, ka thënë se me këtë plan po tentohet të “betonizohet” lagjja “Kalabria” dhe se Stacioni i Autobusëve “është dhënë për ndërtim të lartë”.
“Fatkeqësisht ishte një seancë maratonike ashtu që tentohet të përmirësohet plani për lagjen Kalabria, PDK-ja pati përpjekjet e saja për përmirësim të këtij plan. Ne nuk kishim kundër në tret të planit rregullues, por ishim kundër tjetërsimit të pronës publike për betonizim. Dje Stacioni i Autobusëve u dha për tokë, për ndërtim të lartë. Toka e qyteti e Komunës e cila është pronë komunale, që i takon qytetarëve të saj dje iu dha një grup bizneseve, personave apo grupeve të caktuar për ndërtim.
Realisht, kjo është ajo çka kemi kërkuar të mos shtyhet përpara. Kemi kërkuar me ngulm që kjo pjesë të rishqyrtohet edhe një herë. Hapësira publike, tokat komunale mos të shfrytëzohet për diçka të tillë. Po ja që fatkeqësisht ndodhi nga plani që është sjellë nga Rama dhe me përkrahje të VV-së”, ka thënë Lahu.