Në Komunën e Kamenicës, një personit i është konfiskuar patenta e shoferi, për arsye se e ka tejkaluar shpejtësinë e caktuar nga rregullat e trafikut rrugor.
Personi në fjalë, sipas Policisë së Kosovës, ka qenë duke vozitur veturën me shpejtësi 196 kilometra në orë, në zonën ku lejohet vetëm 40.
Përveç, konfiskimit të patentës së shoferit, të dyshuarit i është shqiptuar një gjobë prej treqind eurove.
“Në këtë pikë të kontrollit, ka hasur në një kundërvajtës i cili në zonën ku është kufizimi i shpejtësisë dyzet (40) km/h, duke vozitur me shpejtësinë njëqind e gjashtë (106) km/h. Të njëjtit i është shqiptuar gjoba në vlerë prej treqind (300) eurove, konfiskuar patentë shoferi me masa e përkohshme e ndalim vozitjes në afat prej tre (3) muaj dhe tri (3) pikë negative”, thuhet në njoftimin e policisë.
Drejtoria Rajonale e Policisë në Gjilan, i ka apeluar vozitësit që t’i respektojnë normat dhe ligjet e trafikut rrugor, po ashtu kjo drejtori, u ka bërë thirrje mediave dhe qytetarëve që për të gjitha kundërvajtjet që mund të shkaktohen në komunikacion, të njoftojnë Stacionin më të afërm të Policisë, apo këtë ta bëjnë përmes aplikacionit digjital “Lajmëro Policinë”.