Policia e Kosovës ka bërë të ditur se një personi i është marrë patentë shoferi për një vit, sepse i njëjti ishte duke e vozitur veturën 128 km në orë, në zonën ku kufizimi i shpejtësisë maksimale ishte 50.
Po ashtu, personit në fjalë i është shqiptuar gjoba prej 500 eurove dhe i janë hequr pesë pikë nga patentëshoferi.
“Kundërvajtësi në zonën ku kufizimi i shpejtësisë është 50km/h ka ngarë automjetin me shpejtësi prej 128 km/h. Të njëjtit i është shqiptuar gjobë prej 500 euro , i janë regjistruar 5 pikë negative dhe si masë mbrojtëse i është konfiskuar patentë shoferi për 1 (një) vit”, thuhet në njoftimin e policisë.
Në njoftimin e policisë thuhet se tejkalimi i shpejtësisë së lejuar është një ndër faktorët më të shpeshtë të aksidenteve rrugore.