Të premten e 19 gushtit, Policia e Kosovës ka bërë të ditur se një personi i është marrë patentë shoferit për tre muaj, sepse ishte duke e vozitur veturën 235 km në orë, në zonën ku kufizimi i shpejtësisë maksimale ishte 100 km në orë.
Po ashtu, personit në fjalë i është shqiptuar gjoba prej 300 eurove.
“Në zonën ku kufizimi i shpejtësisë është 100 km/h identifikohet shoferi duke drejtuar mjetin me 235 km/h (gjobitet me 300€ si dhe 3 muaj i ndalohet drejtimi i mjetit me veprim motorik)”, thuhet në njoftimin e Policisë.
Në njoftimin e policisë, thuhet se tejkalimi i shpejtësisë së lejuar është një ndër faktorët më të shpeshtë të aksidenteve rrugore.
Po ashtu, Policia ka bërë të ditur se do të vazhdojnë me ndërmarrjen e masave dhe veprimeve policore ndaj kundërvajtësve të ndryshëm, të cilët rrezikojnë sigurinë në trafikun rrugor.