Shërbimi Korrektues i Kosovës (ShKK) ka bërë të ditur se një i burgosur ka vdekur në një aksident trafiku.
Siç njofton ShKK-ja, i burgosuri po mbahej në Qendrën Korrektuese të Smrekonicës, nga ku kishe dalë sot rreth orë 06:35 për të shkuar në vendin e punës.
“Shërbimi Korrektues i Kosovës njofton opinionin publik se sot në një aksident trafiku ka ndërruar jetë i burgosuri, F.A., I njëjti po mbahej në Qendrën Korrektuese të Smrekonicës, nga ku kishe dalë sot rreth orë 06:35 për të shkuar në vendin e punës, ku sipas Udhëzimit Administrativ për punë jashtë institucioneve korrektuese, MD-nr. 04/2023, po punonte jashtë në një biznes privat.
Shërbimi Korrektues i Kosovës u shpreh ngushëllime familjes dhe gjithë të të afërmve”, thuhet në njoftim.