“Tre zyrtarë të policisë së Kosovës janë rrëmbyer sot në Leposaviq në vendin ku dikur kishte një rrugë ilegale të kontrabandës e që ndodhet rreth 300 metra në brendësi të territorit të shtetit tonë. Dyshojmë që ata janë rrëmbyer nga ushtria e Serbisë, qartazi si hakmarrje e Serbisë për arrestimin e djeshëm të kriminelit famëkeq Millun Millenkoviq – Lune, i cili paraqet një ndër krerët e krimit të organizuar dhe kontrabandës”.
Kështu kishte deklaruar kryeministri i Kosovës, Albin Kurti, por sipas kryeministrit të Shqipërisë, Edi Rama, nuk ka asnjë paralele që mund të ngrihet mes kidnapimit të tre policëve nga forcat serbe dhe arrestimit të kriminelit “Llune” nga Policia e Kosovës.
“Nuk ka asnjë paralele mes tre policëve dhe personit me precedentë kriminalë të arrestuar nga policia e Kosovës në Veri!”, ka shkruar Rama në Twitter.